Ndërsa vendimi përfundimtar për lirimin apo jo të Ramush Haradinajt do merret më 2 mars nga autoritet franceze, ky i fundit ka thënë se kur të kthehet në Kosovë nuk dëshiron t`i bëhet pritje shtetërore.
Për këtë çështje është pyetur edhe kryeparlamentari Kadri Veseli, i cili në një intervistë për Top Show, ka lënë të hapur që t’i organizohet një pritje Haradinajt, duke thënë se shteti është i gatshëm të pres ish-luftëtarët e saj çdo herë me pritje ceremoniale.
“Në Kroaci çdo njeriu i cili ka fituar një betejë gjyqësore përballë shtetit serb, Kroacia i ka bërë pritje shtetërore, por une e kuptoi shumë mirë z.Harandinaj dhe pres që ai të fitoi edhe këtë betejë, dhe pastaj do ta presim si i ka hije”, ka deklaruar Veseli.
Kujtojmë se më 29 nëntor të vitit 2012 kur Haradinaj u lirua nga Haga, atë kohë kryeministri Thaçi organizoi një pritje shtetërore ku e priti me tepih të kuq dhe me nderimet e Gardës së Forcës së Sigurisë së Kosovës. /tesheshi.com/
