Vala e një acari e cila goditi SHBA dhe solli një temperaturë të ulët rekord, mori 12 jetë dhe u zgjerua në pjesën verilindore të Shteteve të Bashkuara të enjten.
Meteorologët parashikojnë për mot të ngrohtë për fundjavën, por është një ngushëllim i vogël për ata që përballen me kushtet e akullit, erërat brutale dhe temperaturat që kanë rënë në disa zona deri në 34 gradë nën zero.
Në pjesë të Illinois, të enjten, kishte 36 gradë Celsius nën zero, në pjesë të Dakotas Veriore minus 30, dhe në Minesota dhe pjesë të Miçiganit 29 gradë nën zero.
Shkollat në pjesë të Wisconsin, Minnesota, Michigan, Illinois dhe Iowa janë ende të mbyllura.
Vala e akullit gjithashtu goditi Massachusetts, New York, Pennsylvania dhe kryeqytetin e Uashingtonit. Sipas të dhënave meteorologjike, Bostoni është 15 gradë nën zero.
“Situata në mëngjesin e së enjtes ishte më e keqja kur bëhet fjalë për të ftohtë. Pjesa verilindore e vendit do të vuajë ajrin më të ftohtë arktik”, thanë meteorologët.
Zyrtarët kanë thënë se temperaturat nën zero janë regjistruar në 85 përqind të SHBA.
Megjithatë, situata duhet të ndryshojë deri në fundjavë. Në Çikago, ku punonjësit dogjën binarët për të lejuar trenat të lëviznin dhe temperatura ishte 30 gradë nën zero, të shtunave dhe të dielave duhet të ishte shumë “më e ngrohtë” – deri në 10 gradë Celsius mbi zero.
Vala polare shkaktoi qindra aksidente, ndërsa më shumë se 2,500 fluturime u anuluan të enjten në mëngjes dhe të paktën 3,500 u vonuan, kryesisht nga aeroporti i Çikagos.
Vala e fundit e ngjashme e akullit në mes të perëndimit dhe verilindjes ishte më shumë se 20 vjet më parë. /tesheshi.com/
