Për vite me radhë si kryeministër e tani si president, Thaçi bisedoi me Serbinë por asnjëherë nuk e shtroi temën e të pagjeturve në Bruksel. Edhe pse tashmë e pranon se kjo çështje duhet shtruar në tavolinën e bisedimeve dhe pala serbe të japë informata për 1650 të pagjeturit, sërish nuk e thotë me saktësi se kur do diskutohet një gjë e tillë.
“Nuk do të rreshtin përpjekjet tona që kjo plagë e luftës të mbyllet sa më parë për të gjetur paqen, qetësinë dhe pajtimin. Autoritetet e Beogradit duhet të përgjigjen dhe të ofrojnë të dhëna për 1650 të pagjeturit. Kjo çështje duhet të shtrihet edhe ne Bruksel sepse nuk pret më tutje”, ka thënë presidenti Thaçi, pasi ka bërë homazhe tek përmendorja dedikuar personave të zhdukur në Ditën e të Pagjeturëve.
Thaçi shtoi se familjet e personave të pagjetur dhe të të gjitha viktimave të luftës, pa dallime etnike, meritojnë respektin më të madh dhe të përjetshëm institucional. /tesheshi.com/
