Një takim i drejtuesve të dy partive të mëdha PS-LSI është zhvilluar sot në rezidencën qeveritare Vila 30 e njohur si ish-vila e Mehmet Shehut.
Siç mësohet takimi ka qenë për reformën në drejtësi ku janë takuar: Rama, Meta, Ruçi, Xhafaj, Naço, Tahiri dhe Ylli Manjani. Fokus i takimit ka qenë pikërisht reforma në drejtësi. Mësohet se LSI ka disa kërkesa për reformën në drejtësi dhe këto ia ka paraqitur PS-së.
Një ditë pas intervistes së Edi Ramës tek :Opinion”, Kreu i Kuvendit Ilir Meta kërkoi sërish ndryshime në qeveri ndërkohë që ka folur për raportin e KLSH-së ku paditet në prokurori ministry i Energjitikës, Damian Gjiknuri, për të cilin Meta flitet se ka kërkuar largimin e tij.
“Impulset e reja duhen gjithmonë”, i është përgjigjur kryetari i LSI-së Ilir Meta, interesit të gazetarëve për ndryshime në qeveri. Duke folur pas një takimi me krerët e koalicionit të majtë, kreu i LSI-së tha se nuk e ka marrë ende letrën e KLSH-së, për të cilën tha se do të konsultohet pasi ta marrë.
Referuar procesit të dekriminalizmit, kreu i LSI-së e ka quajtur pozitive shprehjen e Komisionit të Venecias, në mënyrë që të vazhdojë sa më shpejt . Ndërsa lidhur me kërkesën e demokratit Oerd Bylykbashi, Meta tha se ka qënë vetë PD që ka anashkaluar komisionin për dekriminalizimin.
“Jemi sqaruar dje me kryetarin e grupit të PD për pretendimin e Bylykbashit. Ka qënë vetë PD që e ka anashkaluar komisonin përmes propozimit të drejt për drejtë që bëri në Parlament. Është ide e mirëpritur që të marrë rol të rëndësishëm ky komision dhe Bylykbashi dhe Balla të bien dakord. Dhe nuk e kuptoj pse po vonohet çështja e dekriminalimzit”, tha kreu i Kuvendit.
/tesheshi.com/
