Ukraina ka një armë të re në luftën kundër Rusisë. Dhe kjo është një armë mjaft e lirë. E cila, në këtë rast, nuk do të thotë se nuk është jashtëzakonisht e dobishme …
Në muajt e fundit, ukrainasit kanë përdorur dronët australianë të “kartonit”, të quajtur “Corvo Precision Payload Delivery System”, të prodhuar nga kompania SYPAQ.
“Ato mund të rezultojnë vdekjeprurëse dhe janë po aq të lehta për t’u bashkuar sa diçka nga një dyqan IKEA,” shkruan Business Insider.
Ukrainasit i kanë në pronësi që nga marsi i këtij viti dhe u njoftua se do të marrin të paktën 100 të tilla në muaj si pjesë e një pakete ndihme ushtarake australiane me vlerë 20 milionë dollarë.
Ky dron është i lehtë për t’u montuar dhe ushtarët më pas e programojnë dhe futin vendndodhjen e dëshiruar në të. Droni ka një ngarkesë prej rreth tre kilogramë, prandaj është i dobishëm për “dërgimin” e ilaçeve dhe/ose municionit. Thuhet se mund të përdoret edhe si dron “kamikaze”.
Për ta përshtatur atë për operacionet e zbulimit, ushtarët kanë bërë vetëm një vrimë në dronin për kamerën.
Produkti i përfunduar ka një hapje krahësh rreth dy metra dhe është aq i lehtë sa mund ta lëshohet nga dora, si një aeroplan i madh letre.
Çmimi i njërit prej këtyre dronëve është 3500 dollarë, që është jashtëzakonisht i lirë për standardet e pajisjeve ushtarake. Ai fluturon me një shpejtësi prej rreth 60 km/h dhe distanca maksimale e tij është 120 km.
Edhe pse është bërë i njohur si dron “kartoni”, kjo nuk është plotësisht e vërtetë, dhe specifikimet e dronit në faqen zyrtare kanë shtuar se ai është bërë edhe nga “foam board”.
“Kjo e bën më të vështirë për radarët të dallojnë dronët. Radari do të vërejë helikë, motorë, bateri, por jo karton,” tha Jamey Jacob, një ekspert i dronëve nga Universiteti i Oklahomas.
Droni u bë i famshëm pasi u shfaqën pretendime në bloget ushtarake ruse se ai ishte përdorur në një sulm të fundit në territorin rus. Ambasadori ukrainas në Australi më pas shkroi në rrjetet sociale se këta dronë janë përdorur në sulm.
Këto pretendime, se dronët australianë “kartoni” janë përdorur në sulm, ende nuk mund të konfirmohen në mënyrë të pavarur.
Por ukrainasit në disa raste kanë njoftuar publikisht se “i përdorin këta dronë në aksione sulmuese”. /tesheshi.com/
