Nëse jeni të lodhur nga nderja dhe hekurosja e herë pas hershme e veshjeve tuaja, atëherë të jeni të sigurt se kjo është makineria e duhur për ju. Quhet FoldiMate dhe është në gjendje të lajë, thajë, hekurosë dhe palosë veshjet, pa ndihmën tuaj. Makineria është krijuar nga një firmë amerikane dhe quhet ndryshe “mikja rrobalarëse që hekuros”. Çmimi i saj është disi i kripur, duke qenë se lëviz nga 700 deri në 850 dollarë (600 dhe 750 euro).
Por si funksionon? Roboti është i adaptuar me një ngjitës transparent, disa krahë inteligjente dhe një tabaka të rregullueshme, e cila mund të marrë 15-20 copë veshje njëherësh. Vetëm brenda një minute FoldiMate është në gjendje të hekurosë gjithçka, duke arritur të kuptojë në mënyrë automatike përmasat dhe llojin e materialit të veshjes.
“Kemi krijuar dhe zhvilluar një sistem të robotizuar në mënyrë që të mund të hekurosë veshjet , duke i mbajtur ato në gjendjen më të mirë të mundshme”, – shpjegojnë prodhuesit e FoldiMate.
Makineria ka dalë në shitje që në vitin 2014, por shumë pak persona janë në dijeni. Brenda vitit 2017 prodhuesit do të hedhin në treg një version të FoldiMate, e cila është menduar dhe programuar enkas për familjet. /tesheshi.com/
