Nga Blendi Gashi
Kosova si një vend me ekonomi të dobët, papunësi e varfëri enorme, nuk mund të karahasohet thuajse me asgjë me shtetet evropiane. Por e vetmja gjë që mund t’ua tejkalojë atyre padyshim është numri i madh i ministrive që e dëmtojnë jashtëzakonisht buxhetin e varfër të shtetit.
Edhe pse në vazhdimësi janë dhënë kritika se numri i madh i ministrive është bërë për të reahatuar militantët partiakë, as qeveria në largim e Isa Mustafës, jo që nuk mori vendim për zvogëlimin e kabinetin qeveritar por e rriti atë me ministri që nuk dihet çfarë roli kanë, siç janë dy ministritë pa Portofol.
Kjo temë pashmangshëm u bë pjesë edhe e fushatës së fundit zgjedhore ku kandidati i Vetëvendosje-s për kryeministër Albin Kurti dhe kreu i AKR-së Behgjet Pacolli ishin të premtuan të vetmit zvogëlimin e numrit të ministrive nëse vijnë në pushtet.
Ndërsa një premtim të tillë nuk e bën krerët e koalicionit PDK-AAK-NISMA që dolën fitues të zgjedhjeve të 11 qershorit, por zyrtarë të këtyre partive e sidomos të partisë së Ramush Haradinajt e Fatmir Limajt gjatë mandatit të fundit në opozitë kanë shprehur kritikat e tyre të vazhdueshme për numrin e madh të minsitrave dhe zv.ministrave duke thënë se numri i tyre është barrë për buxhetin.
Por a do të zvogëlon qeveria e re uljen e numrit të ministrive?
Përfaqësues të partive të caktuara politike shprehën njëzëri se është koha e fundit të reformohet administrate publike ku parashihet edhe zvogëlimi i ministrive.
Lutfi Haziri nënkryetar i LDK-së thotë se nëse partia e tij qeveris me vendin qysh në fillim të mandatit do të zvogëlojë numrin e ministrive.
“Po do ta ulim numrin e ministrive. Nuk do jetë më e madhe se 12 resorë, me 1 zv.kryeministër funksional e nga një zv.ministër. Pra nëse jemi në qeveri do e bëjmë zvogëlimin e ministrive brenda 3 mujorit të parë”, ka thënë Haziri, për tesheshi.com.
Ndërsa Shqipe Pantina nga Lëvizja Vetëvendosje ndonëse nuk jep një afat kohorë thotë se në 40 prioritetet për Republikën të cilën i kanë prezantuar gjatë fushatës parashihet edhe reformimi i administratës publike e cila nënkupton edhe zvogëlimin e numrit të ministrive.
Pantina shton se për këtë çështje do diskutojnë me partnerin e ardhshëm qeverisës si dhe do marrin edhe pëlqimin e Kuvendit.
“Përderisa zvogëlimi i numrit të zv.ministrave bëhet menjëherë me emërimin e qeverisë së re, zvogëlimi i ministrive mund te jetë një proces që merr pak më shumë kohë pasi vendime të tilla kanë ndikim edhe tek shërbyesit civil dhe kjo nuk mund të bëhet me një vendim të vetëm. Duhet të bëhet rishpërndarje e shërbyesve civilë dhe bartje e kompetencave nga ministritë që do shuhen tek disa ministri ekzistuese. Pra ky është një proces i reformimit të administratës publike që është më i gjerë sesa zvogëlimi i numrit të zv. ministrave apo i ministrive”, thotë Pantina për tesheshi.com.
Kurse Zafir Berisha nga NISMA për Kosovën parti kjo pjesë e koalicionit me PDK-në e AAK-në thotë se si deputet do të ngrit zërin për zvogëlimin e kabinetit qeveritar, por nuk mund ta thotë nëse përpjekja e tij do rezultojë e suksesshme nëse PAN vije në pushtet.
“Si deputet i legjistaturës së ardhshme do të kërkoj që kabineti qeveritar mos të jetë fontanë dëshirash i partive politike por të jetë një kabinet efikas dhe me numër në përputhje me realitetin financiar në vend. Mund të them se numri i deritashëm i ministrive është diçka skandaloze, andaj kryeministri ardhshem duhet të ketë parasysh edhe këtë gjë e cila ndikon drejtpërdrejtë në buxhetin e varfër të vendit”, thotë Berisha për tesheshi.com.
Portali ynë ka tentuar të marrë përgjigje edhe nga PDK e AAK, por kontakti me zyrtarë të këtyre partive ta ka qenë i pamundur.
Kujtojmë se qeveria në largim ka 19 ministri, 2 ministra pa portofol, 3 zv.ëvendëskryeministra dhe rreth 50 zëvendësministra.
Ndryshe, Instituti për Studime të Avancuara (GAP) në hulumtimin e tij bërë kohë më parë ka rekomanduar uljen e numrit të ministrive nga 19 sa kishte qeveria e fundit (plus dy pa portofol) në 13 ministri, si dhe të shkurtohet numri i zv.ministrave në vetëm një. /tesheshi.com/
