Policia shqiptare arrestoi një shtetas grek që po udhëtonte me destinacion Bularatin, për të qenë në ceremoninë e të 40-ve të Kacifasit.
‘Nga Specialistët për Hetimin e Krimit në Komisariatin e Policisë Sarandë u bë arrestimi në flagrancë i shtetasit: – M. G, 35 vjeç, banues në Gumenicë, Greqi (me detyrë punonjës policie në Igumenicë, Greqi).
Arrestimi i tij u bë pasi më datë 08.12.2018, rreth orës 09.45, në aksin rrugor Sarandë-Gjirokastër, në vendin e quajtur ‘Ura e Kranesë’, ky shtetas duke udhëtuar në drejtim të fshatit Bularat, Gjirokastër është kapur në flagrancë nga shërbimet e policisë me një armë zjarri pa leje, e tipit ‘pistoletë’ me 6 fishekë.
Materialet në ngarkim të tij i kaluan Prokurorisë pranë Gjykatës të Shkallës së Parë Sarandë për veprime të mëtejshme për veprën penale “Prodhimi dhe mbajtja pa leje e armëve luftarake dhe e municionit”, parashikuar nga neni 278 i Kodit Penal”, thuhet në njoftimin zyrtar të policisë.
Ndërkohë, ceremonia në Bularat është zhvilluar pa incidente, ku pati dhe thirrje për paqe mes dy popujve, por ama sërish duke akuzuar palën shqiptare.
“Duam të jetojmë në harmoni. Nuk po shikojmë që të ndodhë edhe nga ana e autoriteteve shqiptare. Kërkojmë respekt. Nuk shikojmë të ndodhë kjo. Ta dëgjojnë të tërë, qeveria greke dhe Europa. Dikush duhet të marrë përgjegjësi. Turp!”, tha motra e të ndjerit Kaçifas. /teshesh.com/
