Fatmir Xhafaj, është një nga emrat që përflitet për postin e ministrit të Brendshëm. Kjo edhe pas deklaratës publike të kryeministrit Edi Rama, i cili në mes të fushatës elektorale për zgjedhjet e 25 qershorit deklaroi se Xhafaj do të kthehej të vazhdonte detyrën e lënë në mes.
Sot në mbledhjen e Asamblesë Kombëtare të PS-së, veç raportimeve që do të bëhen, pika më e rëndësishme është kabineti qeveritar dhe struktura e tij.
I pyetur nga mediat nëse do të jetë një nga ministrat e qeverisë “Rama2”, deputeti Xhafaj ka shmangur një përgjigje direkte.
“Si keni qenë mir? Pushimet si i keni kaluar? Dukeni në formë”, ishte përgjigjia e deputetit socialist.
Gjithashtu, Gramoz Ruçi, një tjetër emër i lakuar në media për postin e Kryetarit të Kuvendit, nuk ka preferuar të konfirmojë ose jo detyrën e re. “Prisni mbledhjen”, ishte përgjigjia e prerë e Ruçit. /tesheshi.com/
