Quhet Kepler-62f dhe është planeti më i ngjashëm me Tokën që është zbuluar ndonjëherë. Ai mund të ketë një atmosferë dhe oqeane që mund të të pranojnë zhvillimin e jetës së njeriut. Këto janë konkluzionet e modelit matematikor të përpunuar nga Aomawa Shields i universitetit të Kalifornisë në Los Angeles dhe i publikuar në Astrobiology.
Mirëpo, edhe ky planet e ka një problem: ai ndodhet në një distancë shumë të madhe, rreth 1200 vite dritë larg, por kjo ende nuk është e sigurt. “Gjuetia” për sozinë e Tokës mund të nisë vetën në vitin 2024 me misionin hapësinor europian Plato.
“Që prej zbulimit të parë në vitin 2013 Kepler-62f është vënë në qendrë e shumë studimeve shkencore, pasi është cilësuar si një nga kandidatët më të mirë që mund të mirëpresin jetën njerëzore”, – shpjegon Isabella Pagano, e Osservatorio Astrofisico di Catania në Institutin Kombëtar të Astrofizikës në Itali.
“Në të vërtetë, për këtë planet kemi shumë pak të dhëna të sigurta, duke qenë se nuk dimë për shembull masën e tij, nëse është po aq shkëmbor sa edhe Toka apo detaje të tjera”, – thotë shkencëtarja. Arsyeja e kësaj mosdije është pikërisht distanca e madhe nga Toka, çka nuk mundëson njohurinë mbi detaje të tilla./tesheshi.com/
