Facebook ka ndryshuar sërish. Risia më e fundit i përket njoftimeve dhe lajmeve apo postimeve që ju mund të shikoni në kryefaqen e llogarisë tuaj.
News feeed-i i kryefaqes në rrjetin social, ku lexojmë fluksin e postimeve të miqve, shumë shpejt mund të ndryshojnë aspektin për tu bërë më i rregullt. Rrjeti social, siç raporton TheNextWeb, është duke testuar mundësinë e shpërndarjes së lajmeve në kategori si film dhe tv, udhëtim, ushqim, muzikë, shkencë etj. objektivi është që t’i japë mundësinë e personalizimit të përmbajtjes çdo përdoruesi, duke zgjedhur për shembull film apo talk show në kategorinë film dhe tv.
Risia, e cila bën edhe më social vendin ku përdoruesi mund të shkojë për të lexuar lajmet me interes më të madh, dhe si gjithmonë në fazën e testit vetëm disa persona mund ta provojnë këtë risi. Disa prej tyre kanë postuar edhe imazhet e ndryshimeve në Twitter. Megjithatë, nuk është ende e sigurt nëse kjo ide e re e Zuckerberg do të jetë e suksesshme, saqë të aplikohet tek të gjithë përdoruesit. Presim të shikojmë se çfarë do të ndodhë. /tesheshi.com/
