E kanë cilësuar si ‘hajdutin më budalla në botë”. Paul Neaverson është arrestuar në Britaninë e Madhe pasi ka tentuar të vjedhë m armë nj bankë në Rainham, në qytetin Kent. Me sa duket, Paul, një 61-vjeçar i dalë në pension,i ka vënë një thikë në fyt një kasiereje në bankë, duke i kërkuar asaj r’i transferojë 500 stërlina në llogarinë e tij bankare. Një kërkesë me të vërtetë e pazakontë, së cilës kasjeria i është përgjigjur duke shtypur pulsantin e alarmit.
Në këtë pikë, reagimi i Paul ka qenë edhe më i pazakontë. Ai ka dalë jashtë nga banka me frikën se ishte duke u kapur nga policia, por nuk është arratisur. Thjesht ka vendosur të ‘transferohet’ në një bankë tjetër rreth 500 metra larg, ku ka tentuar sërish të kalojë 500 stërlina në llogarinë e tij bankare. Mirëpo, as tentativa e dytë nuk ka pasur sukses dhe Paul është arrestuar nga policia.
Por për çfarë i duhej një derdhje e tillë parash në llogari? Siç duket, 500 stërlinat i duheshin për të prenotuar një udhëtim për në Korfuz të Greqisë, ku Paul do të duhej të takohej për një punë si instruktor golfi. Të paktën kjo është ajo që ai ka deklaruar…/tesheshi.com/
