Një profesor matematike është shprehur se ka arritur të zbulojë një nga teoritë më bindëse të realizuar deri më tani, në lidhje me zhdukjen avionit të kompanisë Malaysia Airlines Flight, MH370.
Avioni i Malaysia Airlines u zhduk pa lënë gjurmë vitin e shkuar, me 239 persona në bord. Teori të shumta konspirative janë zhvilluar deri më tani në lidhje me zhdukjen e avionit, ndërsa ka edhe nga ato që thonë se avioni u ‘rrëmbye’ nga alienët.
Sipas matematikanit Dr Goong Chen, i cili punon si profesor në Texas A&M University, realiteti dhe e vërteta mund të jetë shumë më ndryshe nga ajo që mendohet.
Modelet e tij kompjuterike tregojnë se avioni ka hyrë në një hapësirë vertikale në Oqeanin Indian dhe ka rënë në ujë pa pësuar asnjë thyerje. Kjo rënie e stimuluar zgjidh disa nga misteret e errëta të MH370, siç është mungesa e vajit të shpërndarë në sipërfaqe të ujit apo ajo e copave të avionit, të cilat mund të notonin në sipërfaqe.
Dr Chen sugjeron se trupi dhe krahët e avionit janë zhytur me shpejtësi nën ujë, duke marrë parasysh shpejtësinë e madhe me të cilën ka qenë duke fluturuar mjeti, duke bërë që vaji të mos ketë mundësi të dalë dhe të shpërndahet në sipërfaqe.
Matematikani thotë: “Momentet e vërteta dhe të fundit të MH370 me shumë mundësi do të ngelen enigmë, deri kur një ditë të mund të zbulohet kutia e zezë dhe të ekzaminohet”. /tesheshi.com/
