Nuk është gjë e re që dobësimi na bën më të bukur, pasi lëkura bëhet më me shkëlqim dhe flokët janë më të shëndetshëm, si dhe rrathët e syve zhduken, të paktën nëse flemë 8 orë gjumë.
Një studim amerikan i Universitetit të New York, i drejtuar nga David Rapoport, ka treguar se gjumi mundëson eliminimin e yndyrave të tepërta.
Kur flemë pak, rreth 5 orë natën, prodhohet grelinë, hormoni i urisë, i cili stimulon dëshirën për të ngrënë. Për të përfituar sa më shumë nga gjumi dhe për të prodhuar më shumë leptinë, hormonin përgjegjës për dobësim, duhet fjetur 7 deri në 9 orë gjatë natës.
Me pak fjalë nuk mjafton një dremitje e vogël për të qenë në formë, por duhet një pushim i plotë dhe një dietë e shëndetshme dhe e ekuilibruar.
“Te flesh sa më gjatë është një nga mënyrat më të mira për të humbur peshë. Duke pushuar në mënyrën e duhur mund të dobësoheni 1 kilogramë në javë. Ndërkohë kush fle më pak, rrezikon të shëndoshet me 1 kilogramë për të njëjtën periudhë”, thotë Rapoport.
Sipas tij, kush fle më pak se shtatë orë gjumë, është më i prirur për t’u bërë obezë. Ndërkohë dremitja e pasdites ndikon negativisht në gjumin e natës, ashtu si dhe pijet që përmbajnë kafeinë dhe alkool, nëse merren gjatë pasdites.
Duhen shmangur edhe ushqimet me shumë yndyrë dhe pirja e duhanit/tesheshi.com/
