Që në ditën e parë të zgjedhjeve paralmentare në Shqipëri, anketimet e opinionit dhe trendi i votave të numëruara, flisnin për një fitore bindëse të PS. Kjo frymë dominoi edhe titujt e mediave ndërkombëtare që shkruan për zgjedhjet në Shqipëri.
Por çfarë pritet pas zgjedhjeve?
Në një artikull të rrjetit të njohur informativ Euroneës flitet për pesë gjërat kryesore, apo “pesë detyrat e shtëpisë” që Edi Rama duhet të bëjë menjëherë pas konfirmimit të fitores; ose thënë ndryshe, çfarë reformash duhet të bëjë partia qeverisëse për të vulosur antërasimin në BE, e përmbledhur kjo në pesë pika.
E drejta e Pronës
Ekzistojnë shumë çështje të pazgjidhura të pronësisë mbi tokën dhe pasuritë e paluajtëshme. Vetë Rama e ka pohuar se kjo çështje ka qënë “një katrahurë për vite me rradhë” po del jashtë kontrollit. Falsifikimi i titujve pronësore pas periudhës komuniste ka qënë i përbindshëm. Qeveria socialiste ka parashikuar një fond kompensimi prej 500 milion eurosh për trajtimin e çështjes.
Gjygjësori
Një tjetër çështje që socialistët janë të vendosur ta trajtojnë është heqja e gjyqtarëve të korruptuar. Një muaj më parë parlamenti u mblodh për të miratuar një ligj të ri për që parashikon vetingun për gjyqtarët, prokurorët dhe asistentët ligjorë. Më shumë se 300 prej tyre janë akuzuar për korrupsion. “Ata duhet të justifikojnë të ardhurat dhe të provojnë se nuk janë lidhur me krimin e organizuar”, është shprehur Rama duke shtuar se ata duhet të testohen gjithashtu për aftësinë e tyre.
Droga
Shqipëria ka dështuar në parandalimin e kultivimit të kanabisit që lidhet me krimin e organizuar. Është Maroku ai që zë vendin e parë për kanabisin e presuar që hyn në BE, por, sipas Europol-it Shqipëria është burimi kryesor për bimën e kanabisit që trafikohet në 28 vendet e bllokut, dhe Rama nuk ka bërë sa duhet për ta trajtuar këtë çështje, paçka premtimeve për ta “ç’rrënjosur këtë fenomen një herë e përgjithomë”.
Të frenojë ikjen e trurit
Sipas Instat-it, në Shqipëri paga mesatare mujore bruto në vitiin 2016 ishte më e vogël se 46,000 lekë, ose rreth 340 euro. Po ta krahasosh këtë me Kroacinë (1060 euro), Greqinë (1070 euro) dhe Italinë (2033 euro) është e kuptueshme se përse të rinjtë largohen me turma nga vendi.
Papunësia
Më shumë se një e katërta e të rinjtë trajtohen me ndihmë papunësie. Ndërkohë që në Gjermani përqindja e të papunëve midis moshave 15-29 vjeç është vetëm shtatë për qind, në Shqipëri kjo shifër është 28.9 për qind. Ndërkohë që në blokun BE, shifra më e lartë e papunësisë shkon në 17.2 për qind. /tesheshi.com/
