Një ditë pasi Shqipëria regjistroi zero raste jetëhumbjesh COVID, kjo pas 224 ditësh, e gjithashtu ka një rënie drastike të infektimeve, duke qenë se po afrohet dhe sezoni turistik, Komiteti Ekspertëve vendosi për heqjen e maskës në publik dhe, jo heqjen e tërësishme por zgjerimin e orës policore.
“Komiteti ka vendosur që nga data 1 qershor të hiqet maska në ambientet e jashtme, por do të vijojë në ambiente të mbyllura dhe në mjetet e transportit publik.
Ora policore nga 22:00 që është do të kalojë në orën 23:00 deri në 6:00 të mëngjesit.
Klubet e natës do të vijojnë të jenë të mbyllur, ndërkohë që muzika do të vijojë të lejohet deri në 22:00.
Nga 1 korriku në rast se situata do të mbetet e njëjtë do të shtyhet edhe një orë ora policore”, është shprehur Mira Rakacolli, zv.ministre e Shëndetësisë. /tesheshi.com/
