Të hënën nisin në Bruksel bisedimet për kodin telefonik shtetëror të Kosovës. Sipas ministres Edita Tahiri, procesi i bisedimeve nesër do të japë rezultate përfundimtare dhe se së shpejti Kosova do të marrë kodin telefonik ndërkombëtar 383.
Në një komunikatë të ministrisë që ajo drejton, thuhet se “në raundin e fundit të bisedimeve, i mbajtur në Bruksel më 2 dhe 3 gusht 2016, ka pasur përparime në drejtim të përfundimit të hapave drejt marrjes së kodit telefonik shtetëror për Kosovën 383 nga ana e ITU-së”.
Komunikata qartëson se bisedimet e së hënës do të synojnë rrumbullaksimin e të gjithë hapave deri në finalizimin përfundimtar. /tesheshi.com/
