Pastiçierja ruse Olga (emri i saj në Instagram është olganoskovaa) po bëhet shumë e famshme në rrjetin social dedikuar fotove, falë krijimeve të saj të ëmbla. Olga poston fotografitë e tortave të bukura, të cilat duken si pasqyra të lyera me kujdes. Pasta, kek, torta klasike dhe ëmbëlsira nga më të ndryshmet. Janë pikërisht këto gatime ato që kanë vjedhur zemrën e ndjekësve të Olgës.
Ajo nuk kursehet në tregimin e sekreteve për përgatitjen dhe realizimin e këtyre pastave. Ja njëra prej tyre për të realizuar “tortën pasqyrë”.
20 gramë xhelatinë pluhur
120 gramë ujë
300 gramë glukozë
300 gramë sheqer
150 gramë ujë
200 gramë qumësht i kondesuar dhe i sheqerosur
300 gramë çokollatë (e bardhë,m qumësht, fondente apo një kombinim si t’ju pëlqejë juve)
Ngjyrues ushqimor sipas dëshirës.
Përgatitja:
Shkrini xhelatinën në ujë. Vendosni të ziejë glukozën, sheqerin dhe ujin, të treja bashkë. Hiqeni më pas nga zjarri dhe shtoni xhelatinën, qumështin e kondesuar dhe çokollatën. Nëse dëshironi të keni ngjyra të ndryshme, mjafton të shtoni pigmentin nga ngjyruesi ushqimor. /tesheshi.com/
