Një shqetësim i madh, por edhe reagim i fortë, ka përfshirë qeveritë në vendet më të fuqishme të botës, pasi Koreja e Veriut lëshoi një raketë që fluturoi mbi Japoni dhe ra në Oqeanin Paqësor.
Tokio, Moska, Pekini dhe Brukseli janë të shqetësuar dhe të gjithë bëjnë thirrje për respektimin e rezolutave të Këshillit të Sigurimit të OKB-së.
“Të gjitha opsionet janë në tavolinë”, tha Trump, duke shtuar se veprimet e Koresë së Veriut kanë treguar përbuzje për fqinjët.
Ambasadorja amerikane në OKB, Niki Haley tha se nisja e raketave të fundit nga Koreja e Veriut është e papranueshme, dhe i bëri thirrje Këshillit të Sigurimit që të marrë masa serioze.
Haley u tha gazetarëve se Kim Jong ka shkelur të gjitha rezolutat e KS të OKB-së dhe për këtë arsye duhet të ketë një reagim serioz për këtë çështje.
“Ajo që është mjaft, është mjaft”, ka thënë Haley, që shpreson se Kina dhe Rusia vazhdon të bashkëpunojnë me anëtarët e Këshillit të Sigurimit, ku ata do të takohen më vonë për të diskutuar për programet bërthamore dhe raketore të Koresë së Veriut.
Më herët edhe kryeministri japonez deklaroi se incidenti paraqet një kërcënim serioz.
Kryeministri japonez shtoi se presidenti amerikan, Trump kishte një angazhim të fortë në mbrojtjen e Japonisë, që sipas tij është aleat i vetëm.
Me kërkesën e Uashingtonit është thirrur edhe një takim urgjent në Këshillin e Sigurimit të Kombeve të Bashkuara.
Në të njejtën kohë edhe ministri i jashtëm rus, Seregi Lavrov tha se Koreja e Veriut duhet të respektojë Organizatën e Kombëve të Bashkuara.
“Ne e shohim si një tendencë drejt përshkallëzimit dhe jemi të shqetësuar në lidhje me zhvillimet e përgjithshme të situatës”, ka thënë zv.ministri i jashtëm rus.
Ai akuzoi indirekt edhe SHBA-në për ushtrimet ushtarake, që sipas tij kanë nxitur provokimin e Phenianit.
Edhe Federica Mogherini shprehu mbështetje për Japoninë. Ajo tha se Pheniani duhet të veprojë sipas rezolutave të OKB-së, dhe të largohet nga veprimet provokuese.
Kryeministrja e Britanisë, një shtet tjetër të fuqishëm, ka thënë se është e tmerruar nga ky provokim, siç e ka cilësuar ajo, i Kim Jongut.
Reagim ka pasur edhe presidenti francez, Emmanuel Macron i cili tha se Franca do të vazhdojë me një politikë pa kompromis ndaj programit balistik të Koresë së Veriut.
Situata është përshkallëzuar edhe më shumë kur si përgjigje ndaj Phenianit, Koreja e Jugut ka kryer disa stërvitje ushtarake me avionë bombardues. /tesheshi.com/
