Ndeshja e boksit që irlandezi Conor McGregor zhvilloi me Floyd Maywether, e ka kthyer atë në objekt dëshire për “tu rrahur”. Pas ish-kampionit të Botës, Oscar de la Hoya, është një tjetër ish-kampion që dëshiron të ndeshet me të.
Pikërisht filipinasi i famshëm Many Pasquiao, ka deklaruar publikisht se do të donte ta sfidonte irlandezin, por në një ndeshje që kujdeset ta specifikojë si “të vërtetë. Pasquiao e konsideron “të vërtetë” ndeshjen me kampionin e arteve marciale, duke nënkuptuar se ndeshja që McGregor humbi ndaj Mayëether, mund të ketë qenë e paravendosur.
Ish- kampioni i botës për shumë vite, humbi “Ndeshjen e Shekullit”, siç u quajt përballja e tij me Mayëether, por nuk e pranoi kurrë se amerikani e meritoi fitoren.
Tashmë në moshën 39-vjeçare dhe me plot angazhime politike, Pasquiao kërkon sërish adrenalinën e ndeshjeve të boksit, pikërisht ndaj një personazhi që më tepër se boksier, është një figurë që “mbledh” vëmendje në të gjithë botën.
E sigurtë është që McGregor ia ka arritur që me një ndeshje boksi, të shndërrohet në një yll të sportit. Ndërsa përsa i përket karrierës së tij në boks, gjithcka është për t’u vendosur. E deri atëherë, sfidantët duhet “të mbajnë rradhë”. /tesheshi.com/
