Qeveria e Kosovës vendosi të hënën të hapë të gjitha vendkalimet kufitare tokësore midis Kosovës dhe vendeve fqinje që nga 22 qershori.
Ministri i Shëndetësisë Armend Zemaj tha pas seancës së qeverisë në Prishtinë se po bëhen të gjitha përgatitjet për organizimin e hyrjes së qytetarëve në Kosovë dhe procedurat për parandalimin e përhapjes së virusit koronar.
Më parë, qeveria e Kosovës hapi një pjesë të vendkalimeve kufitare, ndërsa me këtë vendim do të hapen dy vendkalime për në Serbi dhe një për në Shqipëri.
Këto janë vendkalimet e Qafa Morinës drejt Shqipërisë, si dhe Muçibabe dhe Mutivode drejt Serbisë. /tesheshi.com/
