Nga James Kirchick*
Miliarderi nga Nju Jorku, Donald Trupm, kur e pyetën një vit më parë për politikën e jashtme, tha se nuk ka nevojë për këshilltarë dhe ekspertë. “Kam një tru të zhvilluar, i di vetë gjërat”, tha në një emission në MSNBC. Kurse kur u pyet mbi çështjet e politikave të mbrojtjes ai tha se “shikoj shumë dokumentarë dhe biseda televizive”.
Megjithatë, të mërkurën Trump dha një shenjë moderacioni kur prezantoi tezat e tij të politikës së jashtme. Fjalimin e tij e paraqiti një ish-funksionar i lartë i administratës së George Ë. Bush, i cili ishte dhe zyrtari më i lartë i besimit mysliman në qeverinë amerikane.
Zalmay Khalilzad ka qenë ambasador i Bushit në OKB dhe Afganistan. Trump, edhe pse nuk e tha në mënyrë eksplicite, e bëri të ditur se ka braktisur tezën e dëbimit të myslimanëve nga SHBA.
Megjithatë, njerëzit që ka rreth vetes Donald Trump janë të lidhur kokë e këmbë me Rusinë dhe regjimin e presidentit Vladimir Putin, dhe disa nga ata janë promovuar nga paratë e Moskës. Gjë që shton dyshimet e një ndikimi gjithnjë e më të madh të Moskës në politikën e Donald Trump. Ndaj nuk është çudi që kandidati republikan ka sulmuar nismën e NATO-s për të bombarduar Serbinë dhe çliruar Kosovën në vitin 1999.
Trump e mbajti konferencën për politikën e jashtme nën përgatitjen e Qendrës për Interesa Kombëtare, e njohur ndryshe edhe si “Qendra Nikson”.
Ndërkaq, miliarderi nga Nju Jorku ka marrë së fundmi si këshilltar kryesor Paul Manafort, një strategjist që ka shërbyer për një kohë të gjatë në radhët e kandidatëve republikanë.
Manafort dhe Qendra për Interesa Kombëtare kanë një të përbashkët mes tyre në politikën e lobimit dhe financimit. Të dy kanë lidhje të ngushta me regjimin rus të presidentit Vladimir Putin. Duhet thënë se ambasadori rus në SHBA ishte në radhën e parë gjatë prezantimit të strategjisë së Trump për politikën e jashtme.
Për shumë vite, Paul Manafort ka punuar për të rregulluar imazhin e ish-presidentit të dëmuar të Ukrainës, Viktor Yanukovicc, njeriut të Putinit që fshihet në Rusi dhe iu gjetën pasuri përrallore në banesat dhe pronat e tij në lindje të Ukrainës. Madje Manford ishte këshilltar edhe kur trupat e Viktor Yanukovicc vranë 100 protestues në qendër të Kievit.
Shumë njerëz të PR e kanë konsideruar nismën e Manvord për të larë imazhin e ndyrë të Yahoukoviccit si një tmerr. “Një der me buzë të lyera mbetet prap një derr”, ishte një shprehje që u tha atëherë.
Ndërkaq, qendra që ka përgatitur strategjinë e Trump është e lidhur me dy organizma të Kremlinit në kryeqytetin amerikan.
Më e rëndësishmja është Carnegie Moscovv Center, që është një klub që promovon libralizmin rus dhe politikat e klasës sunduese në Moskë.
Drejtori i qendrës, Dmitri Simes, ka punuar si një ndihmës i Nixon-it për dekada, ka pasur lidhjet e ngushta me Kremlinin dhe ka reputacionin si “dora ruse në politikën amerikane”.
Për disa vite Qendra për Interes Kombëtar ka pasur partneritet me organizatën e financuar nga Rusia, “Instituti për Demokraci dhe Bashkëpunim”, e cila bazën e saj e ka në Nju Jork.
Kreu i kësaj organizate, Adranik Migranyan, është emëruar personalisht nga Ministri i Jashtëm rus Sergei Lavrov.
Kjo u bë e ditur pas publikimit të një kabllogrami të Departamentit të Shtetit nga ana e Ëikileaks.
Në maj të vitit 2014, të dyja këto think tanks-et mbajtën një konferencë shtypi duke mbrojtur pozicionin e Rusisë në Ukrainë.
Në vitin 2013, Simes ishte prezent në një aktivitet luksoz së bashku me Presidentin rus Vlasimir Putin në “Valdai International Discussion Club”, një konferencë e zhvilluar posaçërisht për t’i rregulluar lukun kreut të Kremlinit. Në këtë konferencë Putin e thërriste Simes si “mik dhe koleg”, ndërsa njeriu që sot është i lidhur me Trump tha “e mbështes plotësisht aksionin e Presidentit Putin në Siri”.
Qendra në fjalë ka publikuar edhe një libër për Putinin: “Regani i Rusisë, një lider i vendosur dhe vizionar”.
Në bordin e kësaj organizate është edhe Alexey Pushkov, një kundërshtar i së vërtetës zyrtare për 11 shtatorin 2001 dhe kryetar i Komisionit të Jashtëm të Dumës ruse.
Një lidhje tjetër e Trump me qendrën dhe lobet ruse është edhe Richard Burt, ish-ambasadori i SHBA-së në Gjermani dhe zyrtarë i DASH.
Burt është një anëtar i lartë i bordit të Russian Alfa Bank.
Në një intervistë të para një muaji, Burt sulmoi Klintonin dhe përkrahu Trump, sidomos politikën e tij kundrejt Rusisë.
Shumë këshilltarë republikanë të politikës së jashtme republikane po pastrojnë Trump-in dhe e mbrojnë karshi sulmeve të një morie intelektualësh. Një i tillë është Eliot Cohen, një profesor i Paul H. Nitze School of Advanced International Studies dhe ish-këshilltar i Condoleeza Rice.
“Trump është i rrezikshëm, një demagog injorant. T’i japësh atij një pltformë dhe legjitimim është një bashkëpunim në komplot”, tha profesori i njohur.
*James Kirchick, është një gazetar dhe columnist i njohur i The Daily Beast dhe Frankfurter Allgemeine Zeitung. Libri i tij, “Fundi i Europës” është bërë tekst mësimor akademik nga Universiteti i Yale.
Marrë nga politico.eu- /tesheshi.com/
