Ushtria libaneze njoftoi se gjeti edhe katër tonë nitrat amoniumi shpërthyes pranë hyrjes në portin e Bejrut, ku ndodhi një shpërthim i madh muajin e kaluar.
Ushtria tha se inxhinierët e saj, me kërkesë të departamentit doganor të portit, inspektuan katër kontejnerë pranë hyrjes numër nëntë, njoftoi agjencia shtetërore e lajmeve NNA.
“U zbulua se përmbajnë katër ton dhe 350 kilogram nitrat amoni,” tha deklarata.
Bejrutu u godit në 4 gusht nga një shpërthim masiv i përbërësit në fjalë, i cili përdoret si pleh dhe si një eksploziv, e që ishte vendosur në një depo porti pa respektuar rregullat e sigurisë.
Mundësia e të jetuarit nën rrënoja
Shpërthimi vrau 190 vetë, plagosi të paktën 6,000 dhe shkatërroi pjesën më të madhe të kryeqytetit libanez.
Shërbimet libaneze të shpëtimit duke inspektuar rrënojat poshtë tyre thanë se gjetën shenja jete të enjten.
“Këto shenja të frymëmarrjes dhe pulsit, si dhe sensori që regjistroi temperaturën, tregojnë se ekziston mundësia e jetës nën rrënoja,” tha shpëtimtari Eddy Bitar.
Ai e tha këtë pasi agjencia shtetërore njoftoi se ekipi me qen zbuloi lëvizje nën ndërtesën e shembur në rrethin Gemmayze, një nga më të prekurit nga shpërthimi. /tesheshi.com/
