Shkencëtarët nga Instituti i Teknologjisë së Kalifornisë, të frymëzuar nga aftësitë akrobatike të lakuriqit, janë shumë afër krijimit të një lloji të ri të robotit që ka aftësi të fluturojë.
“Një robot i tillë një ditë do të dorëzojë pako apo do të mbikqyrë zonat e prekura nga fatkeqësitë natyrore”, thonë shkencëtarët.
Ata kujtojnë se lakuriqët kanë krahët më të sofistikuar në botë shtazore. Ato kanë rreth 40 nyje që i mbështesin krahët dhe u japin atyre mundësi të jashtëzakonshme gjatë manovrimit në fluturim.
“Ndihem i mahnitur sa herë që shoh një lakuriq duke manovruar në ajër ose gjatë lëvizjeve të shpejta kur kapin ndonjë pre”, thotë inxhinier i robotikës Soon-Jo Chung dhe një nga autorët e studimit të publikuar në revistën “Science”.
Më parë shkencëtarët kanë krijuar robotë që u përngjanin insekteve apo zogjve. Kur janë përpjekur të krijojnë një robot që imiton lakuriqin, nuk kanë pasur sukses për shkak të numrit të madh të nyjeve që janë në krahë.
Megjithatë, Chung dhe kolegët e tij kanë arritur të krijojnë një robot të quajtur Bat Bot ose B2, të cilët mund të fluturojnë dhe rrotullohen si një lakuriq, sepse ata zbuluan komponentët që janë thelbësore për funksionimin e krahëve të tyre. Këta komponentë janë nyjet në shpatull dhe në bërryl. Bat bot ka krahë të hollë dhe elastikë, në dallim nga modelet e mëparshme, krahët e të cilëve ishin të ngurtë.
Nyjet në krahë janë bërë prej plastike 3D dhe mbuluar me lëkurë të butë, të hollë dhe të qëndrueshme prej silikoni. Roboti ka 93 gramë dhe një hapje e krahëve prej 47 centimetra. Gjatë fluturimit testues mund të fluturojnë 5.6 metra për sekondë.
Shkencëtarët besojnë se ky robot është më i sigurt sesa përdorimi i dronit komercial për shkak të butësisë së krahëve dhe peshës së ulët. Nëse do të binte në njerëz ose objektet e tjera, nuk do të shkaktonte thuajse asnjë dëm në krahasim me dronet tjera./tesheshi.com/
