Të fortët e politikës të zgjedhur më 1 qershor të 2013-ës kanë lënë politikën thuajse plotësisht. Pas arrestimit një nga një të Tom Doshit, Mark Frrokut dhe Armando Prengës, Arben Ndoka, deputeti socialist i Lezhës, me anë të një letre të hapur ka dorëzuar mandatin e deputetëve.
Sa për kujtesë Arben Ndoka është deputeti i qarkut Lezhë, i cili para ca kohësh i nxehur nga fjala e tij, qëlloi me gusht në korridoret e Parlamentit, deputetin e PD-së, Gent Strazimiri. Arben Ndoka para se të zgjidhej deputet ka qenë truprojë në gardë dhe biznesmen i thjeshtë. Në rininë e tij është njohur si boksier amator.
Me anë të një letër drejtuar grupit të tij parlamentar, Ndoka i kërkon falje kolegëve të tij për telashet që u ka shkaktuar.
“Kjo eshte jeta ime reale. Me falni shume per gjithe keto rreshta, po sidomos per sikletet qe ju
kane ardhur nga une. Ju rrefeva jeten time ashtu si munda, sepse nuk dua qe te iki, duke ju lene te mendoni se une jam ai krimineli qe ka merituar ate denimin e rende. E verteta ime mua nuk me vlen, une jam nje njeri i denuar nga fati po dhe i denuar qe te mos besohem si i tille. Kam shume shprese qe t’ju vleje juve per te mos u ndjere keq qe me keni pranuar mes jush dhe nuk me keni lene te ndjehem i vetmuar, kur me kane sulmuar egersisht. Por, ju te gjithe miq deputete, qeveria jone dhe Partia Socialiste nuk keni pse te viheni ne siklet asnje dite me shume nga prania ime.
Une ju kam borxh ju ne radhe te pare, po dhe gjithe atyre qe jane me kete parti, ndjekjen deri ne fund te betejes ligjore ne Itali apo ne Gjykaten e te Drejtave te Njeriut po qe nevoja per te gjetur drejtesi per emrin tim. Lus Zotin te me ndihmoje qe t’ia dal t’ju sjell si prove te vertetesise se kesaj letre, vendimin e nje gjykate te po atij vendi ku jeta ime u nxi sa nuk thuhet. Sepse e di qe nje vendim gjykate ketu ne Shqiperi nuk do ta besonte askush! Do te mbetem nga larg salles se parlamentit nje mbeshtetes besnik i perpjekjeve qe ju beni ne ate salle me disa kriminele te vertete te ketij vendi dhe ma beni hall all “do siklet qe kaluat per haterin tim ne keto dy vjet betejash per te nxjerre Shqiperine nga llumi ku zhyten kriminelet e vertete”, shkruan Ndoka në letrën e gjatë. /tesheshi.com/
