Gunther Fehlinger, ekonomisti austriak, i cili njihet për mbështetjen e tij të fuqishme për NATO-n, shkaktoi reagime të furishme në opinionin serb pasi publikoi në rrjetet sociale një foto ku pozon me flamurin e NATO-s në kompleksin “Beogradi on Water”.
Fotoja e flamurit të NATO-s shoqërohej me përshkrimin “Faleminderit për çlirimin e Serbisë”, gjë që shkaktoi irritim në opinionin serb.
Ky veprim i Fehlinger erdhi pikërisht në 24-vjetorin e bombardimeve të NATO-s në ish-Republikën Federale të Jugosllavisë, gjë që zemëroi më tej publikun vendas me shkak Kosovën.
Qytetarët serbë e sulmuan Fehlinger-in në rrjetet sociale, ku disa madje i dërguan mesazhe kërcënuese, të cilat ekonomisti austriak i dokumentoi në Twitter.
“Sot kam marrë qindra mesazhe dhe telefonata WhatsApp nga Serbia, duket se BIA e ka ndarë gjerësisht numrin tim të telefonit”, shkroi Fehlinger në Twitter së bashku me pamjet e përbashkëta të mesazheve. /tesheshi.com/
