Këshilli i Mandateve dhe Rregullores ka dërguar në seancë plenare kërkesën e Prokurorisë së Përgjithshme për të arrestuar deputetin Mark Frroku, tani me një akuzë tjetër atë të pjesëmarrjes në vrasje, kërkesë që ka mbërritur nga drejtësia e Mbretërisë së Belgjikës. Këshilli i Rregullores, Mandateve dhe Imunitetit është mbledhur për të shqyrtuar kërkesën e Prokurorisë për arrestimin e deputetit Mark Frroku i cili rezulton se është i dënuar në Belgjikë me 10 vite burg për vrasje.
Sipas dy avokatëve të Frrokut, që Këshilli i Imuniteteve të japë një vendim, duhet që minimalisht Prokuroria të paraqesë provat. Më tej avokatët shprehet se prokuroria nuk ka tagrin për të kërkuar arrestimin, pasi vlen vetëm për veprat në flagrancë, ndërkohë që çështja në fjalë është e vitit 1996. Ndërkohë që vetë deputeti Frroku, ka deklaruar se kur ka ndodhur ngjarja në fjalë në Belgjikë, ai ndodhej në Shqipëri.
(tesheshi.com)
