Irani duket se është zemëruar me Saudinë pas ekzekutimit në Mbretëri të 81 personave, mes tyre dhe militant shiitë, ndaj ngjan se për këtë arste ka vendosur që të pezullojë përkohësisht bisedimet me Arabinë Saudite.
Mediat iraniane thonë se vendimi i autoriteteve është për pezullimin e njëanshëm të bisedimeve me Arabinë Saudite, të cilat janë zhvilluar në Bagdad gjatë vitit të kaluar, me qëllim rinovimin e marrëdhënieve diplomatike.
Ministri i Jashtëm iranian tha më herët se raundi i pestë i bisedimeve midis përfaqësuesve sauditë dhe iranianë duhet të vazhdonte të mërkurën, më 16 mars.
Mediat nuk e publikuan arsyen pse u pezulluan bisedimet, por vendimi erdhi pasi në Arabinë Saudite u ekzekutuan 81 të dënuar për vepra të ndryshme, nga vrasjet e deri tek organizatat militante. Shiitët janë në mesin e të ekzekutuarve dhe prej atyre disa jetonin në Iran.
Irani dhe Arabia Saudite ndërprenë marrëdhëniet diplomatike në vitin 2016 kur Riadi ekzekutoi imamin e shquar shiit Nimr al-Nimr. /tesheshi.com/
