Nga Mensur Krasniqi
Ndonëse lideri i partisë shqiptare në pushtet BDI-së, Ali Ahmeti pas shpalljes së rezultateve nga zgjedhjet e parakohshme parlamentare u deklarua se “humbës më i madh i këtyre zgjedhjeve janë shqiptarët”, ai në ndërkohë ka harruar se BDI kësaj rradhe ka shënuar një rënie drastike të votave nga viti 2014 në vitin 2016, prej 66 mijë e 834 votash më pak.
Madje redaktori i TV Shenjës, Benjamin Arifi në rrjetin social facebook ka publikuar disa statistika mbi rritjen dhe zvogëlimin e numrit të votave të partive shqiptare BDI dhe PDSH që nga viti 2002 deri në vitin 2016.
Sipas tij, është për t’u përshëndetur fakti që PDSH e udhëhequr nga Menduh Thaçi e morri përgjegjësinë për dështimin, duke vijuar më pas me premtimin e kalimit të dy deputetëve tek BESA nëse do ishte e nevojshme, një akt ky i rrallë burrëror në politiën mbarëshqiptare.
Ndërsa Ali Ahmeti nuk e llogarit rënien, duke zgjedhur ta trukojë fitoren, edhe pse aritmetikisht partia e tij ka marrë më shumë mandate.
“Asnjë parti shqiptare nuk ka shënuar rënie as të përafërt krahasuar me zgjedhjet paraprake, sa BDI dhe PDSH në këto zgjedhje. Ja disa statistika (2002-2016):
2006
☆BDI minus 32093
☆PDSH plus 6236
…………………..
2008
☆BDI plus 13000
☆PDSH plus 11296
………………….
2011
☆BDI minus 11430
☆PDSH minus 15242
…………………..
2014
☆BDI plus 38554
☆PDSH plus 78
…………………..
2016:
☆BDI minus 66834
☆PDSH minus 35376
Thaçi e mori përgjegjësinë për dështimin. Po Ahmeti?”, kështu ka shkruar Benjamin Arifi, redaktor i TV Shenjës.
Sakaq, gjesti i Menduh Thaçit ëshët vlerësuar dhe nga analisti Sefer Tahiri. Sipas tij, lideri i PDSH-së u tregua i drejtë e dinjitoz, dhe për këtë qëndrim do të mbahet në mend si pjesë e historisë politike të shqiptarëve.
“M.Thaçi me qëndrim dinjitoz pas rezultatit! Do mbetet figurë e historisë shqiptare!”, ka shkruar Tahiri. /tesheshi.com/
