Të rinjtë e Partisë Demokratike u mblodhën në Akademinë Politike 2018, ku u inkurajuan nga politikanë gjermanë të CDU-së, anëtarë të Bundestagut, për të menduar se si duhet ta qeverisin nesër Shqipërinë. Njëri prej tyre, Andreas Lammel, gjykoi se qeverisja aktuale përbën dhe një shans për ata, për marrjen e pushtetit
“Qeveria zgjidhet që të zhvillojë vendin, ta çojë atë përpara dhe në shërbim të qytetarëve, por qeveria e tanishme nuk e ka kuptuar këtë. Nëse doni të merrni fatin në dorë, punoni për të mundësuar që ju të qeverisni, sepse kohët janë të mira për opozitën. Për fat të keq, PD është akoma në opozitë, por vitin tjetër kjo mund të ndryshojë me zgjedhjet lokale, tha deputeti i CDU-së.
Më tej ishte Christian Kremmer, përfaqësues i Partisë Popullore Europiane, që u tha 120 të rinjve demokratë se duhet të marrin fatin në dorë.
“Ne e dimë se situata është keq dhe akoma më keq për të rinjtë. 1/3 nuk gjejnë punë në Shqipëri, shume të tjerë largohen nga vendi. Të dashur miq, po luhet me të ardhmen tuaj! Mos lejoni që ky vend të trajtohet si pronë private e disa pakicave!”, theksoi politikani i djathtë. /tesheshi.com/
