Skena e ekstremit të djathtë në Gjermani siguroi armë që vijnë në atë vend përmes tregtarëve të armëve nga Kroacia, njoftoi të martën shërbimi publik ZDF.
Prokuroria e Shtetit në Mynih ka ngritur një aktakuzë kundër 47-vjeçarit Alexander R., i cili akuzohet për prokurimin e armëve në Kroaci për nevojat e së djathtës ekstreme në Gjermani, raporton revista politike Frontal21 e shërbimit publik ZDF.
“Disa armë u gjetën pranë të akuzuarit kryesor dhe disa marrësve, duke përfshirë pushkë gjysmë automatike, të ashtuquajturat armë me pompë si dhe mbi 200 copë municion”, tha Klaus Ruhland nga Prokuroria e Përgjithshme e Shtetit në Mynih për ZDF.
Njerëzit në duart e të cilëve përfundaun armët mund t’i atribuohen skenës ekstreme të djathtë, tha Ruhland.
Midis tyre ka anëtarë të të ashtuquajturve Qytetarë të Rajhut, persona që nuk njohin rendin kushtetues të Gjermanisë.
Hetuesit gjermanë erdhën tek i dyshuari Alexander R. në bazë të gjetjeve të autoriteteve kroate, të cilët në vitin 2018 gjatë një kontrolli në Kroaci gjetën një sasi të madhe armësh të destinuara për blerësit në Gjermani.
Armët vijnë gjithashtu nga Serbia
Gazetarët në një reportazh televiziv flasin me disa njerëz në Slavonia të cilët kanë vuajtur disa dënime me burg për posedim dhe rishitje të armëve të paligjshme.
Në raportazh, bashkëbiseduesit thonë se armët vijnë nga Serbia, por që një pjesë e ka origjinën nga periudha gjatë dhe pas Luftës së Atdheut.
I akuzuari Alexander R. ishte dikur një anëtar aktiv i partisë radikale të djathtë Partia Kombëtare Demokratike e Gjermanisë (NPD), dhe që prej vitit 2016 më së voni ai ka qenë një anëtar i partisë së krahut të djathtë populist Alternativa për Gjermaninë (AfD).
Hetuesit kroatë informuan kolegët gjermanë se Alexander R. ishte duke siguruar armë në Kroaci, duke thënë se armët, sipas një dëshmitari, ishin “të destinuara për AfD, një parti e krahut të djathtë”.
Dega e lartpërmendur e AfD në afërsi të Mynihut tha se “ata kurrë nuk ofruan ose blenë armë të paligjshme”.
Aleksandër R. jetoi në një qytet port kroat derisa u ekstradua në Gjermani në shtator. /tesheshi.com/
