Policia e shtetit ka bërë me dije se në kuadër të operacionit “Forca e Ligjit” ka goditur një grup kriminal në Fier, me profil flasifikimin e dokumentave duke favorizuar emigracionin e paligjshëm.
Siç thuhet në njoftim, “grupi përbëhej nga 16 persona, 8 prej të cilëve u arrestuan, 6 po hetohen në gjendje të lirë dhe dy të tjerë u shpallën në kërkim. Këta persona në bashkëpunim me njëri-tjetrin kishin ngritur aktivitetin kriminal prej vitit 2017 dhe kundrejt shumave që varionin nga 600 deri në 12 mijë paund falsifikonin dokumenta të ndryshëm si dokumente shkollor, pasaporta, leje qendrimi, leje drejtimi, qarkullim të monedhave të falsifikuara, dokumente të falsifikuara për në vende të ndryshme të Bashkimit Europian”.
Ata u merrnin shtetasve të ndryshëm nga 600 euro deri 12,000 paund, ku përshiheshin si shërbime pajisja me dokumente shkollore, pasaporta, patenta, leje qëndrimi etj.
Të arrestuarit janë:
– Jetnor Hoxhaj, 42 vjeç, banues në lagjen “29 Nëntori”, Fier.
– Eris Koliçi, 28 vjeç, banues në lagjen “Sheq Madh”, Fier.
– Xhevahir Myrtaj, 53 vjeç, banues në lagjen “Liri”, Fier.
– Artan Haxhiu, 33 vjeç, banues në lagjen “Mborostar Ura” Fier.
– Kostaq Papa, 31 vjeç, banues në Lagjen nr. 1, Sarandë.
– Enton Lahollari, 37 vjeç, banues në Lagjen Nr. 5, Pogradec.
– Artan Hasani, 48 vjeç, banues në rrugën e Qelqit, Tiranë.
– Barjam Hoxha, 57 vjeç, banues në Kuçovë, i dënuar më parë për veprën penale të mashtrimit. /tesheshi.com/
