Rrjeti Sirian për të Drejtat e Njeriut (SNHR) raportoi se regjimi i Presidentit Bashar al-Asad ka vrarë të paktën 13.278 dhe ka arrestuar më shumë se 18.600 civilë në Siri në katër vitet e fundit.
Një deklaratë nga SNHR, e cila dokumenton shkeljet e të drejtave të civilëve, thotë se një raport mbi shkeljet e të drejtave të njeriut nga regjimi Asad në periudhën nga gushti 2016 deri në gusht 2020 iu përcoll Komitetit të Kombeve të Bashkuara për të Drejtat e Njeriut.
Deklarata theksoi se regjimi Asad nuk kishte ndarë raporte mbi të drejtat e njeriut të vendit me institucionet e KB që nga viti 2004.
Raporti përfshin të dhëna për shkeljet e të drejtave të bëra nga regjimi, siç janë vrasjet, paraburgimet, torturat dhe liria e shprehjes.
Sipas raportit, regjimi Asad ka vrarë të paktën 13,278 civilë në katër vitet e fundit, duke përfshirë 2.773 fëmijë dhe 1.445 gra.
Në të njëjtën periudhë, 109 civilë humbën jetën si rezultat i kequshqyerjes së shkaktuar nga rrethimi i regjimit Asad, dhe u kryen të paktën 52 sulme me armë kimike. /tesheshi.com/
