Besohet se të paktën 90,000 punonjës të kujdesit shëndetësor janë infektuar me koronavirus në të gjithë botën, dhe ndoshta dy herë më shumë, njoftoi të mërkurën Këshilli Ndërkombëtar i infermierëve dhe teknikëve (ICN).
Virusi Corona ka vrarë deri më tani më shumë se 260 infermierë dhe teknikë, tha ICN, duke u kërkuar autoriteteve të marrin shënime më të sakta për të parandaluar më tej përhapjen e virusit në infermierë dhe pacientë.
“Numri i punonjësve shëndetësorë të infektuar është rritur nga 23,000 në, besojmë se 90,000, por kjo është ende një shifër e nënvlerësuar sepse jo të gjitha vendet në botë llogariten,” tha Howard Catton, shefi ekzekutiv i ICN.
Numri i 90,000 të infektuarve bazohet në të dhënat e Shoqatës së infermierëve, shifrat e qeverisë dhe raportet e mediave nga 30 shtete.
ICN bashkon 130 shoqata kombëtare dhe më shumë se 20 milion infermierë dhe teknikë të regjistruar.
Catton theksoi se numri i të infektuarve është sigurisht më i lartë dhe se është një “skandal” që qeveritë nuk i mbledhin dhe raportojnë në mënyrë sistematike infeksionet e punonjësve shëndetësorë, gjë që i kërcënon më tej ata.
Organizata Botërore e Shëndetit (OBSH) paralajmëron gjithashtu se vendet nuk japin informacion të mjaftueshëm për punonjësit e infektuar të kujdesit shëndetësor. /tesheshi.com/
