Një zbulim i rrallë është bërë nga arkeologët në Belgjikë, në vendin ku u zhvillua Beteja e Waterloosë.
Hulumtimi nxori në dritë skelete ushtarësh, si dhe kuaj, të vrarë në vitin 1815, në betejën e 18 qershorit, ku ushtria franceze nën drejtimin e Napoleonit u mund.
Ndër të tjera, tre të amputuar u gjetën në vendin e spitalit të ushtrisë britanike.
“Ne nuk mund të ishim më afër realitetit të ashpër të Waterloo-s se ky,” tha një nga koordinatorët e hetimit, sipas BBC.
Ky ishte viti i parë që nga viti 2019 që u kryen gërmime në vend.
Megjithëse të vdekurit e betejës numëroheshin në dhjetëra mijëra, relativisht shumë pak mbetje janë identifikuar. Madje, burime të kohës raportuan se eshtrat e ushtarëve mblidheshin, bluheshin dhe përdoreshin si pleh. /tesheshi.com/
