Hetimi parlamentar mbi inceneratorët ka vënë përballë dy ish nxënës të “Sami Frashërit”, Jorida Tabakun dhe Erjon Veliajn.
Ky i fundit e përmend shumë herë këtë fakt, duke thënë se Joridën e ka patur shoqe shkolle dikur, thënë këtë si keqardhje politike, nga fakti që tani sulmohet prej saj.
Kjo e dikurshme mes tyre gjeti hapësirë në rastin kur Veliaj i tha “Gocë Samiu, si nuk të vjen turp!”
Kjo frazë e tij drejtuar ish-shoqes së shkollës, erdhi kur mësoi se një ish-gazetare pranë PD-së, Desada Metaj, i dërgonte pyetje në celular për t’ju bërë atij në komision.
Veliaj u pyet mbi disa vendimmarrje lidhur me inceneratorin e Tiranës. ku më së shumti dha përgjigje tipike të tij, mbarsur me politikë dite, ose duke devijuar drejt retorikës vetëlavdëruese mbi punët e tij si kryebashkiak, përfshirë dhe mosndotjen më të ajrit të Tiranës sipas tij, pikërisht nga inceneratori në Sharrë. /tesheshi.com/
