Pas largimit të Albert Bunjakit përfaqësuesja e Kosovës mund ta ndjek rrugën e Shqipërisë dhe duke ulur në stol një trajaner italian.
Ish-trajneri i Udidezes, Rodolfo Vanoli mund të jetë një prej tyre. Tekniku italian të martën ka aplikuar në Federatën e Futbollit të Kosovës (FFK) për postin e seleksionuesit, por nuk ka preferuar të flasë më shumë rreth kësaj pune me arsyetimin se nuk ka diçka konkrete.
Krejt çfarë ka thënë 54-vjeçari është se do t’i pëlqente një përvojë në krye të përfaqësueses që sapo mbylli ciklin e parë eliminator.
“Për momentin nuk kam dëshirë të flas shumë për këtë, por them se do të isha shumë i lumtur nëse do të vija në Kosovë”, ka deklaruar Vanoli për “Koha Ditore”.
Nën drejtimin e Bunjakit, Kosova përfundoi e fundit në grupin e saj eliminator për Botërorin “Rusia 2018” me një barazim e nëntë humbje. /tesheshi.com/
