Gjashtëvjeçja Fatima nuk dinte shumë për jetën, përveç se e ndjente se diçka nuk ishte në rregull me gjithë ato vizita mjekësore. Ajo vuante nga një problem në mëlçi, dhe vetëm transplantimi i organit të vyeshëm mund të bënte që ajo të vazhdonte jetën me normalitet.
Vogëlushja e lindur dhe e rritur në Britani të Madhe megjithatë pati shansin të shijonte jetën për së miri, në sajë të dhurimit të mëlçisë nga një 22-vjeçar i aksidentuar që ishte në vdekje klinike.
Në një emision të BBC, ku ishin të pranishme vogëlushja me nënën si dhe nëna e dhuruesit të organit, të gjithë u emocionuan kur Fatima e quajti “hero” Tomin, personin i cili i kishte dhuruar mëlçinë, e që vet nuk jetonte më.
Dhuruesi, i identifikuar si Tom, ishte kombinimi perfekt për Fatiman dhe 15 jetë të tjera që morën pjesë të padëmtuara të organeve dhe indeve të përshtatshme për transplant. Tomi qysh 18 vjec, kishte nënshkruar një testament ku kërkonte që të dhuroheshin organet e tij për transplant në qoftë se ai gjendej në vdekje klinike dhe ato do t’i shërbenin dikujt.
“Ky vendim i Tomit na e ka lehtësuar jetën edhe neve”, thotë Leiser, nëna e tij. Për më tepër, prindërit e tij thonë se prania e një pjese të të birit në trupin e një vogëlusheje i bën ata të lumtur në gjithë mërzinë që e ndjejnë. /tesheshi.com/
