Familjarë të banorëve të Kukësit të arrestuar për protestën në Rrugën e Kombit janë mbledhur sërish përpara drejtorisë së Policisë në Tiranë duke kërkuar lirimin e të afërmëve të tyre.
Në mbështetje të familjarëve, kanë dalë edhe deputetë të Partisë Demokratike.
Sipas raportimeve të Avokatit të Popullit, në drejtorinë e Policisë në Tiranë mbahen 13 persona, në komisariatet 1 dhe 2 nga katër persona, ndërsa tre persona të tjerë ndodhen të shpërndarë në komisariate të tjerë në kryeqytet.
Prokuroria e Kukesit në total ka lëshuar 36 urdher-arreste. Protestuesit akuzohen për shkatërrim të pronës me zjarr dhe kundërshtim të policisë gjatë protestës në Rrugën e Kombit të shtunën në mesditë. /tesheshi.com/
