Meta e Basha, njëri president e tjetri kryetar opozitë, shprehën kortezialisht konsideratën e tyre për vendimin e Brukselit, i cili i hap rrugë çeljes së negociatave, një prej kartave të forta të betejave politike me mazhorancën. Ajo që i bashkon të dy, është theksimi i fortë i kushteve, aty ku ata mendojnë se qeveria çalon.
“Përshëndes vendimin e sotëm politik të Këshillit të Ministrave të BE që konfirmoi qartë perspektivën europiane të Shqipërisë duke miratuar çeljen e negociatave të anëtarësimit me BE. Falenderoj të gjitha shtetet anëtare për këtë vendim inkurajues, që gjeti vend në axhendën europiane, pavarësisht momenteve shumë të vështira që po kalojmë çdo njëri prej nesh! Asnjë minutë nuk duhet humbur për të zbatuar sa më parë secilin prej kushteve që i paraprijnë konferencës ndërqeveritare për nisjen e negocimit të kapitujve”, shkruan Meta.
Ndërsa Basha, jujdeset që këtë vendim t’ja atribuojë mbështetjes europiane për Shqipërinë.
“Vendet anëtare të BE-së dëshmuan sot se e mbështesin Shqipërinë dhe shqiptarët me shprehjen e vullnetit për të hapur negociatat. Tani gjithçka është në dorën tonë për të përmbushur të gjithë kushtet e vendosura për nisjen e tyre”, shkruan Basha. /tesheshi.com/
