Dropulliti Vangjel Tavo i fitoi pa asnjë sforco zgjedhjet e pjesshme në Himarë, duke u bërë kësisoj kryebashkiaku i ri në bashkinë delikate të Bregut, prej faktit se Athina sheh aty interesat e saj dhe do në drejtim njerëzit e saj.
Sipas rezultateve përfundimtare, Tavo ka marrë 5022 vota, pra 58.62% ndërkohë Petro Gjikuria ka marrë 3545 vota, 41.38 %
“Sot fitoi Himara, fituan himariotët. Na besuan vijimësinë e mandatit 2023. Që sot nisim punën për të gjithë atë që u kemi premtuar banorëve. Problemet nuk kanë ngjyrë e as Himara nuk ka ngjyrë. Fillojmë nga puna, të gjithë për Himarën e bashkuar pa probleme dhe të qetë”, tha Tavo, duke ofertuar rivalin për të qenë zëvëndës i tij.
“Zoti Gjikuria nëse nuk do të largohet në Amerikë është i mirëpritur të jetë nënkryetari i bashkisë. Siç e theksova bashkia ka nevojë për të gjithë, të majtë e të djathtë”.
Kështu, me Tavon kryebashkiak të Himarës, mbyllet dhe saga e atyshme Fredi Belerit, i cili, pas një fitoreje të ngushtë dhe gati aksidentale në 14 majin e vitit të kaluar, nuk mund të qe asnjë ditë në drejtimin e Bashkis, pasi dy ditë para zgjedhjeve do arrestohet për shitblerje vote.
Aktualisht vijon të vuajë dënimin nën këtë akuzë. /tesheshi.com/
