Tatimorët kanë ndërmarrë një ofensivë totale ndaj biznesit në vend, duke mësyrë ndaj 4 mijë sosh . Hetimi tatimor ka kontrolluar më shumë se 4.143 tatimpagues, nga të cilët 1.295 u penalizuan.
Numri total i subjekteve të bllokuara në këtë periudhë ishte 63, nga të cilat 50 si subjekte të paregjistruara.
Gjatë fundjavës së kaluar, Drejtoria e Hetimit Tatimor zhvilloi një operacion “blitz” në të dyqane e njësi. U realizuan 299 kontrolle dhe u evidentuan 126 shkelje ose 42% e tatimpaguesve u gjobitën.
Kjo ka ndodhur në Tiranë, ndërkohë që në ditët në vazhdim, plani operacional do të shtrihet në të gjithë territorin e vendit.
Tatimorët kanë ndëshkuar biznese qoftë edhe për vonesa fare të vogla të faturave të shoqërimit. Kanë kontrolluar gjithashtu instalimin dhe përdorimn e pajisjeve fiskale dhe lëshimin e kuponit tatimor dhe kanë kryer verifikimin dhe deklarimin e punonjësve në organet tatimore.
Drejtoria e Përgjithshme e Tatimeve, në një deklaratë u ka bërë thirrje bizneseve të bëhen gati për kontrollet. Ata kërkojnë që nëse ka abuzime prej punonjësve të sinjalizojnë administratën tatimore./tesheshi.com/
