Partitë shqiptare arrijnë pas pesë vjetësh të marrin kontrollin e komunës së Ulqinit, pas zgjedhjeve lokale të së djelës së shkuar.
Sot janë mbyllur ankimimet në Komisioni Shtetëror Zgjedhor, dhe megjithëse Partia e Bosnjakëve i mori një mandat në Këshillin Komunal partisë shqiptare “Forca”, gjithsesi koalicioni shqiptar zotëron më shumë se 55% të vendeve.
Sipas rezultateve, Forca ka siguruar 9 mandate, koalicioni “Zgjohu Ulqin” 7 mandate, dhe UDSH 3 mandate.
Nga partitë malazeze: PDS e Milo Gjuanoviçit, e cila gjithashtu ka shumë shqiptarë si votues ka marrë 9 mandate, SD-ja ka 3 mandate, dhe URA e Dritan Abazoviçit, 2 mandate.
/tesheshi.com/
