Njeriu që me dron lëshoi një flamur të Shqipërisë etnike në stadiumin e Beogradit, nuk do të burgoset në Serbi. Ministri i Drejtësisë së Kroacisë nuk e ka firmosur urdhërin për ekstradimin e “ballistit” në Beograd. 4
Siç njofton Radio Evropa e Lirë, shkresa ka marrë firmën e Drazhen Boshnjakoviçit ditën e sotme.
Ismail Morina i cili thirret me nofkën ballisti dhe është pjesë e tifozave kuqezi, ishte ndaluar në Kroaci më 2017, me një urdhër arresti të Serbisë, nën akuzat se ka nxitur urrejtje me ngritjen e dronit me flamur që përmbante simbole kombëtare.
Pak kohë më parë Morina ishte lejuar të transferohej drejt Italisë ku po gjykohet për një tjetër çështje të ngjashme.
Morina u ndaluar në Dubrovnik, ndërsa gjatë kontrollit iu zbulua se kishte një fletë-arresti nga Serbia. Pikërisht këtu filloi edhe lufta e fortë diplomatike e dy vendeve. Serbia kërkonte ekstradimin me çdo kusht të Morinës për ta gjykuar për ngritjen e dronit që shkaktoi përplasjen e madhe në ndeshjen e futbollit.
Pas 9 muajsh, Gjykata Kroate vendosi që ta ekstradonte, ndërsa fjala e fundit i takonte ministrit të Drejtësisë i cili pas disa muajsh shqyrtim vendosi që të mos e dorëzonte në Serbi, por në Itali.
Sot mbërriti edhe firma përfundimtare e tij që e mbyll këtë çështje. /tesheshi.com/
