Qytetarët turq do të kenë të drejta të plota të hyjnë në vendet e zonës Shengen vetëm me një pasaportë biometrike, duke nisur nga muaji korrik i këtij viti. Mungn vetëm lajmërimi zyrtar, i cili pritet të bëhet ditën e sotme, por heqja e vizave mes Ankarasë dhe vendeve të Bashkimit Europian është një gjë që tashmë është vendosur politikisht në kolegjin e komisionerëve.
Heqja e vizave është një nga kushtet që rregullojnë marrëveshjen ndërmjet BE-së dhe Republikës së Turqisë, për menaxhimin e flukseve migratore. Kjo do të thotë se angazhimi i Gjysmëhënës për të mbajtur mbyllur rrugën në Ballkanin Perëndimor është i lidhur me atë të Evropës, për përfshirje më të madhe të fqinjit të saj Euro-Aziatik.
Frika e Komisionit Europian është se në mungesë të sinjaleve të qarta politike, partneri i saj, pra Turqia, do të rihapë rrugët si vend tranzit të të gjithë personave që kërkojnë azil. Është një rrezik që duhet të evitohet, duke pasur parasysh fluksin e migrantëve që përdorin Turqinë si vend tranzit për të kaluar në vendet e Bashkimit Europian. /tesheshi.com/
