Mendimtari i shquar zviceran me origjinë egjiptiane, Tariq Ramadan, thanë në një intervistë për prestigjozen franceze Le Parisien, se ndaj tij nuk kishte një hetim të drejtë gjyqësor si me të tjerët, dhe se gratë që e akuzuan atë për përdhunim ishin gënjeshtare.
Ai sqaroi se për momentin nuk duhet të largohej nga Franca dhe se duhej të raportonte në polici një herë në javë për të konfirmuar se ai ishte aty, në vend, duke theksuar se gjyqi kundër tij ishte “vetëm një mënyrë për t’i mbajtur gojën mbyllur”.
Ai pretendon se gratë që akuzojnë atë janë të njohura armike ideologjike të tij, duke shprehur sa ekziston një komplot në gjithë akuzat që i janë ngritur.
Sipas tij, skuadra franceze për hetime kriminale ka vërtetuar se ekziston një kontradiktë në deklaratat e prokurorëve.
Dy gratë që ngritën padi dhe që më parë pretenduan se nuk e njihnin njera-tjetrën shkëmbyen më shumë se 350 mesazhe me gazetaren Caroline Fourest dhe paparacin Jean-Claude Elfassi.
E Fourest dhe Elfassi njihen si ndër kundërshtarët më të spikatur të Tarik Ramadan.
Fourest më parë botoi një libër që shtrembëron të vërtetën për këtë intelektual musliman – komenton Le Parisien.
Fourest dhe Ramadan më parë janë shfaqur në debate të ndezura në kanalet televizive satelitore evropiane.
Ramadan tha se elementët e komplotit ndaj tij ishin të qarta, por që gjykatësit nuk kishin porositur ende fillimin e një hetimi për atë që ishte provuar në këtë çështje.
Ramadan tha se akuza të ngjashme janë bërë edhe kundër figurave të shquara politike apo artistike në Francë, si në rastin e tij, por që ato trajtoheshin ndryshe.
I pyetur nëse besimi i tij, Islami, është shkaku i problemeve juridike, ndryshe nga sa po ndodh me të tjerët, Ramadan u përgjigj: “Po të isha me të njëjtën0 ngjyrë të lëkurës si ju, çështja ime do të mbyllej pa ndjekje të mëtejshme”. /tesheshi.com/
.
