Në një intervistë për Al Jazeera-n, profesori i njohur i studimeve islame, Tariq Ramadan kthehet në kohë duke hedhur poshtë pretendimet e një gruaje që e akuzon. Ndonëse i lirë për momentin, hetimi për rastin vazhdon.
Tariq Ramadan njihet si një nga akademikët më të spikatur të studimeve islame në botën perëndimore.
Por në kulmin e lëvizjes #MeToo në 2017, Ramadan u detyrua të largohej nga pozita e tij si Profesor i Universitetit të Studimeve Bashkëkohore Islame të Oksfordit nën akuzat e një sulmi seksual.
Ai mohoi akuzat, por ndërsa çështja kundër tij kishte shkuar në gjykatë, ai u arrestua nga autoritetet franceze në shkurt të 2018.
Megjithatë, në mungesë të provave të qëndrueshme, Gjykata e Apelit në Paris e liroi atë me kusht 10 muaj më vonë.
A ka realisht drejtësi për muslimanët në Francë apo kjo është një çështje e politizuar?
Në intervistë Ramadan thotë se ai u përball me atë që ishte “pothuajse një linçim i mediave” dhe thotë se provat flasin vetë për pafajësinë e tij.
“Unë zgjodha heshtjen duke thënë se nuk do të flas me gazetarët por me gjyqtarët. Problemi që pata unë është se gjyqtarët as që më dëgjuan dhe as që merreshin me provat që thjesht e dëshmonin se isha i pafajshëm”.
Ai thotë se kurthet kundër tij kishin një prapavijë të menduar mirë që në fillim.
“Dua të theksoj se qëndrimi im për këto akuza është se unë e di se kam qenë i shënjestuar. E di se për 30 vitet e fundit kam qenë në shënjestër pasi e di se kë e përfaqësoj në skenën politike dhe publike në Francë, prandaj mënyra se si u trajtova flet për ndikim të qartë.”
“Ata e kishin një plan: të më kapnin dhe të fusnin në burg. Kjo shihej qysh në ditën kur më futën në stacionin e policisë”, thotë Ramadan.
Në atë pikë unë do të thoja që marrja ime për të gjithë çështjen është se e dija se isha në shënjestër. E dija që për 30 vitet e fundit unë u demonizova për shkak të asaj se ç’përfaqësoj në skenën politike dhe publike franceze dhe mënyr si u trajtova këtu ishte mjaft e qartë: “Ne do ta marrim atë dhe ai do të përfundojë në burg.” Kjo ishte ndjenja ime që nga dita e parë kur hyra në komisariat”, përfundon Ramadan në intervistën e tij. /tesheshi.com/
