Tarifimi i rrugës së Kombit për LSI-në është provë se mbledhjet e përbashkëta mes qeverisë së Tiranës dhe Prishtinës janë thjesht “shoë”. Për këtë arsye, kreu i grupit parlamentar të LSI-së, Petrit Vasili i bëri thirrje Prishtinës të braktisë mbledhjet fasadë me kryeministrin Edi Rama.
“Taksa ka shkaktuar një reagim shumë negativ në Kosovë. Çfarë bën ky kryeministri i Shqipërisë në këto mbledhjet spektakolare? Për çfarë flasin? Rasti i taksës në rrugën e Kombit është për të kuptuar njëherë e mirë se këto mbledhje kanë qenë një show. Nuk kanë sjellë asgjë”, tha Vasili.
Sipas Vasilit, duhet të jetë i detyruar konsultimi me të gjitha grupet e interesit që janë motorët ekonomikë që përdorin pikërisht rrugën.
“Kushtet ekonomike-shoqërore në të cilat vendosen këto taksa janë të ndryshme nga Evropa që i referohen në mënyrë të vazhdueshme, që aplikon taksa shumë më të ulta sesa taksat për rrugët që aplikon vendi më i varfër në Evropë”, përfundoi ai. /tesheshi.com/
