Zv/kryeministri dhe ministri i Tregëtisë në qeverinë serbe, Rasim Ljajiç tha se nga 21 nëntori deri më 11 dhjetor, Kosova mori 30 milionë euro më pak mallra nga Serbia në lidhje me të njëjtën periudhë të vitit të kaluar.
“Ky dëm është i madh dhe nëse instistohet në tarifat doganore të vendosura, kjo praktikisht do të thotë se tregtia është ndërprerë plotësisht, me përjashtim të markave ndërkombëtare sporadike që ende po shesin në tregun kosovar”, tha Ljajiç për TV Prva.
Ai shtoi se mallrat me origjinë serbe në Kosovë pothuajse do të zhduken nëse mbetet tarifa100 për qind.
Ljajiç thotë se vazhdimi të dialogut duhet të nisë me heqjen e kësaj tarife.
“Është gabim të insistojmë në variantin tregtar: ti anulon masat, ne do t’ju japim diçka”, theksoi Ljajiç.
Ai shton se Serbia nuk ka dhënë arsye për futjen e tarifës dhe se nga ana tjetër, formimi i Ushtrisë së Kosovës është një vendim i njëanshëm dhe një masë e Prishtinës që nuk kontribuon në stabilizimin e rajonit.
“Problemi duhet të ndërkombëtarizohet. Kjo është një nga situatat ku Serbia nuk kontribuon asgjë në këtë lloj krize politike në marrëdhëniet mes Beogradit dhe Prishtinës”, përfundoi ai. /tesheshi.com/
