Tri Hummer dhe disa Jeep-a me pjesëtarë të forcave speciale të Policisë së Kosovës kanë mbërritur në postbllokun e ri që ndodhet afër vendkalimit Jarinje.
Ditën e djeshme në këtë pikë, e cila është ende në ndërtim e sipër (po zgjerohet dhe mbushet asfalti disa metra thellësi), ka qenë në shërbim një ekuipazh me një makinë të blinduar, ndërsa mëngjesin e sotëm vetëm turni i mëngjesit i Policisë Kufitare.
Raportohet se pjesëtarët e KFOR-it nuk e kanë ndalur apo kontrolluar trafikun, siç nuk kanë bërë ditëve të kaluara, pasi duket se qëllimi i tyre është vetëm për t’u vënë re.
Krahas forcave të Kosovës është shtuar edhe prania e KFOR-it.
Dy kilometra nga baza e re e forcave speciale policore në drejtim të Leposaviqit, janë në detyrë pjesëtarë amerikanë të ushtrisë ndërkombëtare, raportojnë mediat.
Ndodh kjo ndërsa pritet një reprocitet mbi targat, aty ku nuk është arritur një marrëveshjes mes Prishtinës dhe Beogradit, ndryshe nga rasti i lejekalimeve. /tesheshi.com/
